Gudoomiye ku xigeenka labaad ee baarlamaanka dowlad gobaleedka galmudug Faadumo Cabdi cali ( Faadumo Faandhe) oo iyada iyo masuuliyiin kale oo ka tirsan galmudug ay soo gaareen magaalada Gaalkacyo ee xarunta gobalka mudug ayaa sheegtay in wax alle loogu xamdiyo ay tahay horumarka iyo nabad galyada ka jirta magaalada Gaalkacyo iyo sida ay uga wada shaqeynayaan amniga iyo nabad galyada maamulada Galmudug iyo Puntland oo kaashanaya ciidamada amniga qaranka.
Gudoomiye ku xigeenka labaad ee baarlamaanka dowlad gobaleedka galmudug Faadumo Cabdi cali ( Faadumo Faandhe) oo qudbad aad udheer ka jeedisay munaasabada xuska 15 guuradii kasoo wareegtay aas aaskii dowlad gobaleedka galmudug oo lagu qabtay galkacyo taas oo ay si wadajir ah uga qeyb galeen masuuliyiin ka kala tirsann dowlad gobaleedyada Puntaland iyo Galmudug ayaa ugu horeyn xustay in Galmudug ay ka go’an tahay ka shaqeynta amniga nabad galyada iyo horumarka gobalka Mudug taas oo ay xustay in ay tahay mid uu ku hogaaminayo madaxweynaha Galmudug axmed Cabdi kaariye Qoor Qoor.
Gudoomiye ku xigeenka labaad ee baarlamaanka dowlad gobaleedka Galmudug Faadumo Cabdi cali ( Faadumo Faandhe) ayaa sidoo kale mahad celin ujeedisay ciidamada amniga labada dowlad goboleed taas oo ay xustay in ay ku muteysteen ka shaqeynta amniga iyo wada shaqeyntooda.
Ugu danbeyna gudoomiye ku xigeenka labaad ee baarlamaanka galmudug ayaa ugu baaqday dhalinyarada in ka shaqeeyaan dowladnimada.
