25 haween ah oo tababar cunta karin loogu soo xiray caabudwaaq ayaa la guddoonsiiyay lacag iyo maacuun ay shaqa abuur ku samaystaan.
Xarunt Waxbarashada Nabada iyo hormarinta ee Gaalkacyo oo gacan ka helaysa Hay’adda UNHCR ayaaย Caabudwaaq tababar la xariira cunta karinta oo socday mudo lix bilood ah maanta ugu soo xirtay 25 gabdhood oo laga soo kala xulay xeryaha ay ku jiraan dadka Barakacayasha ah eeย danta yar.
Related posts
Gabdhahaan ayaa madasha loogu soo xirayay tababarka waxaa ka qayb galay Mas’uuliyiin ka socday Maamulka Degmada, Wasaaradda Haweenka Galmudug, waalidiin iyo mas’uuliyiin kale waxaa lagu guddoonsiiyay madasha loogi soo xirayay Tababarkan 25ย gabdhood Shahaado muujinaysa xirfada ay barteen, Qalabkii cunto karintaย iyo lacag Shan boqon oo doolar ah si ay shaqa abuur ugu samaystaan dhamantood.
Qaar kamid ah gabdhaha bartay xirfadan iyo, waalidiin oo ka hadalay madasha ayaa oga mahadceshay Xarunt Waxbarashada Nabada iyo hormarinta ee Gaalkacyo aqoonta hal abuurka wadata iyo dhaqaalaha.
Faaduma Baarcad oo ka socotay Xarunta Waxbarashada Nabada iyo hormarinta ee Gaalkacyo ee Tababarka bixisay iyo Ikraan Cali Aadan oo kamid aheed Waalidiinta oo ka socotay Wasaaradda haweenka iyo xuququl insaanka ayaa la dardaarmay Gabdhaha.
Guddoomiye ku xigeenka Degmada Mudane liibaan Cabdi Caliย ayaa u mahadceshay Xarunt Waxbarashada Nabada iyo hormarinta ee Gaalkacyo waxuuna ugu baaqay gabdhaha la baray xirfada inay ku shaqaystaan xirfadooda.
