Wasiirka Kalluumeysiga iyo Kheyraadka badda Xukuumadda Federaalka Soomaaliya ayaa maanta in ka badan 20, haween ah u furay tababar la xiriira shaqada Kalluumeysiga, kaasi oo lagu qabtay Muqdisho.
Siminaarkan oo socon doono muddo sideed cisho ah waxaa kaloo ka qeyb galay masโuuliyiin ka tirsan dowladda, xubno ka socday hayโadda cunada iyo beeraha ee FAO, waxaana inta uu socda lagu baran doonaa qalajinta kalluunka, iyadoo ay iska kaashanayaan Hayโadda FAO, Wasaaradda kalluumeysiga iyo Jaamacadda Daarul-xikma ee magaalada Muqdisho.
Related posts
Dr Xasan Maxamuud Meyre oo ah hormuudka Kuliyadda culuumta badaha ee Jaamacadda Daarul-Xikma ayaa sheegay in haweenka ka qeyb galaya siminaarka ay ka faaโiideysan doonaan, oo ay ka baran doonaan habka loo qalajiyo kalluunka oo ay iska dhaafaan inay cusbo ku qalajiyaan.
Yuusuf Axmed Hiraabe Guddoomiyaha Jaamacadda Daarul-xikma ayaa hoosta ka xariiqay in siminaarada nuucaani oo kale ah ay ugu talagaleen in haweenku ay ka faaโiideystaan oo ay wax ka bartaan habka ay u qalajinayaan kalluunka ay ka ganacsanayaan.
Xiriiriyaha Soomaaliya ee Hayโadda FAO Dr Xuseen Cali Axmed ayaa sheegay in bulshada looga fadhiyo inay ku baraarugaan sidii ay uga faaโiideysan lahaayeen kheyraadka dalka, isla markaana uu dhiiri gelinayo in la joogteeyo siminaarada nuucaan oo kale ah.
Xildhibaan Prof Maxamed Cumar Dalxa ayaa xusay inay lagama maarmaantahay in haweenka lagu dhiirigeliyo shaqada ay hayaan, isla markaana la siiyo fursado aqoontooda kor loogu qaadayo, si loo horumariyo wax soo saarka dalka.
Wasiirka Kalluumeysiga iyo Kheyraadka Badda Mudane Maxamed Cumar Ceeymooy ayaa sheegay in Wasaaraddu ay xoogga saareyso ka faaโiideysiga kheyraadka dalka, taasi oo lagu gaari karo isku filnaansho dhab ah.
โGabdhahan aan u tababareyno waxaan kula dar daarmayaa inay ka faaโiideystaan siminaarka, waxaana qorsheyneynaa in aan xoogga saarno sidii loo heli lahaa meelo lagu qaboojiyo kalluunka badda laga soo saaro iyo in aan xoojino tababarada nuucaani oo kale ahโ ayuu yiri Wasiirka Kalluumeysiga.
