Haweenay lagu arkay calaamado “u eg kuwa lagu arko dadka qaba xanuunka Ebolaha” ayaa la karantiilay oo lagu dawaynayaa isbitaal ku yaalla galbeedka Kenya, sida lagu sheegay war ka soo baxay waaxda caafimaadka ee maamulka degmada Kericho.
Shaqaaluhu waxay qaadeen tallaabooyinkii daruuriga ahaa si loo xaqiijiyo “yaraynta xiriirka ay yeelanayaan bukaanka iyo dadka kale ee ku sugan isbitaalka guud ee Kericho.
Dhiigag ayaa laga qaaday natiijadana waxaa la sugayaa muddo 24 saac ah gudahood ah.
Masuuliyiinta ayaa dadka niyadda u dajiyay waxayna sheegeen in la qaaday tallaabooyinkii muhiimka ahaa si loo xaqiijiyo badqabkooda, waxayna intaas ku dareen in ay jiraan cudurro dhawr ah oo ay isku astaamo yihiin Ebola.
