Ciidanka xoogga dalka, dadka deegaanka iyo maamulka degmada Xarardheere oo is kaashanaya ayaa galabta deegaanka Bacadka Faarax Aadan ku weeraray Khawaarij ku dhuumaaleysaneysay, waxaana halkaas ka dhacay dagaal culus oo lagu jebiyey Khawaarijta.
Guddoomiyaha degmada Xarardheere Maxamed Yuusuf Kulmiye ayaa Warbaahinta Qaranka u sheegay in dhowr jiho ay ka weerareen argagixisada, isla markaana ay halkaas ku laayeen, welina ay ku sii raacdeysanayaan dhulka howdka ah.
“Tiro ajaajib ah iyo horjoogayaalk ka tirsan khawaarijta ayaan ku dilnay dagaalka, haatanna deegaanka anaga ayaa gacanta ku heyno”. Ayuu yiri Guddoomiyaha
Guddoomiyaha degmada Xarardheere ayaa baaq u diray Madaxweynaha Dowlad Goboleedka Galmudug Axmed Cabdi Kaariye iyo Madaxweynaha Jamhuuriyadda Federaalka Soomaaliya mudane Xasan Sheekh Maxamuud inay ciidamada qalabka sida iyo xooggaga deegaanka gacan lagu siiyo howlgallada ka dhanka ah khawaarijta.
Mudane Maxamed Yuusuf ayaa tacsi u diray geesiyaasha Qaranka ee ku shahiiday dagaalkii maanta, halka kuwa ku dhaawacmayna uu Alle uga baryay in uu u boogo dhayo
