Deeqdan raashinka ah oo nuucyo kala duwan ka kooban ayaa waxaa ku deeqday hay’ad samafal oo laga leeyahay dalka Boqortooyada Sacuudiga, iyadoo maanta loo qaybiyay ilaa 1,500 (kun iyo Shan boqol) oo Qoys oo danyar ah.
Guddoomiyaha degmada Cadaado Cabdullaahi Cabdiraxmaan Tootoole ayaa sheegay in kaalmadan ay ku soo aaday waqti muhiim ah, barina Qoysas kale oo gaaraya 1,500 la gaarsiin doono.
Sacad Muhanna madaxa mashaariicda hay’adda Gargaarka Sucuudiga ee Soomaaliya loogu talagalay ayaa sheegay in ay si nabad ah ku soo gaareen Cadaado oo ay ka qaybinayan raashin loogu talagalay ilaa 3,000 (Saddex kun) oo Qoys, isagoo maamulka degmada kaga mahadceliyay sida ay arrintan ugala shaqeeyeen.
Kaalmadan raashinka ah ee maanta la siiyay dadkan danyarta ah ayaa ku soo aadaysa waqti lagu guda jiro bisha barakaysan ee Ramadaan, iyadoo dadkan qaarkood aysan haysan cunno ay ku afuraan.
Maxamuud Cabdi Diirshe “Cadaado”
