Deeqdan oo isugu jirtey bur, bariis, baasto, sonkor, caano iyo agab kale ayaa hayada bisha cas gaarsiisey inku dhow 400 oo qoys oo dib ugu laabtay degmada Qandala, taasi oo dhowaan laga saaray Maleeshiyada Daacish oo muddo ku siman 40cisho gacanta ku haysay.
Inta badan qoysaskii ka barakacay Qandala ee gobolka Bari ayaa magaalada dib ugu laabtay marka laga reebo qoysas dhowra oo ardaydoodu sanad dugsiyeedkan waxka baranayaan magaalooyin ay ka midyihiin Boosaaso iyo Carmo.
Axmed Siciid Qolombi oo uhadlay hay’adda HILAALU AXMAR ee Imaaraadka Carabta ayaa sheegay in deeqdan ay tahay mid bisha cas ugu tala gashay dib udejinta dadkii horay uga barakacay degmada Qandala.
Duqa Degmada Qandalla Maxamed Khuurshe,Β Wasiir ku xigeenka Ganacsiga Puntland Cabdirisaaq Nuur Cumar ayaa hay’adaha maxaliga iyo kuwa caalamiga ah ugu baaqay iney ka qayb qaatay dib u dejinta dadkii ka barakacay Qandala, waxaana ay hay’adda bisha cas uga mahadceliyey deeqdan aysoo gaarsiiyey
Qoysaskii dib ugu laabtay degmada Qandala oo qaarkood Warbaahinta la hadleen ayaa dalbaday in deeq intan kabadan oo ka timaada Ummadda Soomaaliyeed, waxaana ay sheegeen in deeqdan ay timid xili ay ubaahnayeen.
Deeqdan lasoo gaarsiiyey qoysaskii ka barakacay degmada qandala mudadii ay daacish gacanta ku haysay waxa noqonaysa tii ugu horeysey oo la gaarsiiyo dadkaasi tan iyo markii ay dib ulawareegeen ciidamada dowlad goboleedka Puntland.
