Culimaa’udiinka Soomaaliyeed ayaa ku tilmaamay wax aan waafaqsanayn shareecada Islaamka, daadinta dhiigga dadka Muslimiinta ah, aygoo canbaareeyay werarkii argagixisanimo ee maleeshiyaadka Al-Shabaab ay ku laayeen dad rayid ah oo aan waxba galabsan.
Sheekh Bashiir Axmad Salaad Guddoomiyaha hay’adda Culimada Soomaaliyeed oo ka hadlay waxa ay shareecada Islaamka ka qabto daadinta dhigga Muslimiinta ayaa sheegay in ficilada Al-Shabaab aysan lug ku lahayn shareecada Islaamka.
“Waa ficil bahalnimo ah oo aan diinta Islaamka waafaqsaneyn, oo ah mid diinta qilaafsan, dadka Muslimiinta oo tukunada Alle hortiisa ayuu taaganyahay, in qof Alle hortiis taagan oo la dilo waxa ay tahay mid lagu xadgudbayo diinta Islaamka, marka nimankaasi, waxa ay sameynayaan waa mid ka baxsan shareecada Islaamka.
Hadalka hay’adda culimada ayaa yimid kadib markii saaka aroortii argagixisada Al-Shabaab ay weerar ku qaadeen Hotelka Saxafi, kasi oo ugu dambeyn ay ciidamada amniga soo gabo gabeeyeen
