Ciidanka Hay’adda NISA ayaa xalay magaalada Muqdisho Ku Qabtay Warshad Lagu Farsameeyo Lacagta Doolarka Faalsada ah iyo Kooxdii ka shaqeeneysay.
Howlgal ay xalay Ciidamada hay’dda Nabad Sugidda iyo Sirdoonka Qaranka Soomaaliyeed (NISA) ka sameeyeen degmada Waaberi ee Gobolka Banaadir waxa ay ku qabteen Koox burcad ah oo Guri ku yaalla degmadaasi ku dhaqayay Lacag Doolar been abuur ah.
Hay’adda NISA ayaa Sheegtay inay la wareegtay Warshaddii iyo Qalabkii lagu dhaqayay Lacagahaasi Been Abuurka ah, iyadoo Xabsiga loo taxaabay illaa lix ruux oo ku eedeeysan faldambiyeedkaasi.
Taliska NISA wuxuu sheegay in howlgalka ay Ciidamadu Fuliyeen uu ku dhintay Askari katirsan Ciidamada midkalana uu kaga dhaawacmay kadib markii Kooxda Burcadda ah ay isku dayeen in ay iska Caabiyaan Ciidamada.
