Saraakiisha Hay’addda Nabad sugidda Qaranka ayaa faah faahin ka bixiyay howgalladii ciidamada amniga gaar ahaan Ciidamada Gaashaan iyo Onkod in ay soo gabo gabeeyeen howgallo ay ka fuliyeen Hoteelada Siyaad iyo Wehliye oo ay weeraro qaraxyo ah ku soo qaadeen maleeshiyaadka Ururka Gumaadka Ummadda Soomaaliyeed ee UGUS.
Saraakiisha ayaa ku soo waramay in maleeshiyaadka ka tirsan UGUS oo todobo gaaraya ay xilliga afurka weerar ku qaadeen Hotelka Wehliye, waxaana ciidamada Taliska NISA ee Gobolka Banaadir ee Onkod ay toogasho ku dileen dhamaan maleeshiyaadkii weerarkii ku qaaday Hotelka Wehliye.
Sidoo kale saraakiisha Hay’adda Nabad sugidda iyo Qaranka ayaa Warbaahinta Qaranka u xaqiijiyay in maleeshiyaadkii weerarka ku soo qaaday Hotelka Siyaad ay tiradoodu gaareysay shan nin, kuwaasi oo iyana ay toogteen ciidanka Gaashaan, iyagoo aan u suurta gelin ay inay dad dilaan.
