Howlgalkan ciidanka hay’adda Nabad sugida iyo Sirdonka Qaranka ay 19 bishaan ka sameyeen deegaanka Tareedisho ee duleedka magalada Muqdisho ayaa lagu soo qabtay Libaan Cabdulahi Maxamed oo lasheegay in uu ka tirsan yahay ururka Gumaadka Ummadda Soomaliyeed ee UGUS, isla markaana lala xariiirinayo in uu ka dambeeyey dilal qorshaysan oo ka dhacay gobolka Benaadir .
Hay’adda Nabad sugida iyo Sirdoonka Qaranka ayaa Warbaahinta ugu soo bandhigay xaruunta Taliska NISA Horjogahan iyo gaari nuuc raaxada iyo mooto la sheegay in lagu fuliyey qorshihii lagu dilay muwaadiniin Soomaaliyeed
Afhayeenka Wasaradda amniga Gudaha ee Xukuumadda Soomaaliya Maxamed yusuf Cismaan ayaa sheegay in horjoogahan lagu soo qabtay howgallo ay ciidamada ka sameeyeen duleedka Muqdisho.
“Gaarigiii lagu dhibaateyey ama ka qayb qaatay dilal faro badan oo ugu horeyey Allah u naxariistee Gashanle sare Dhabareey oo ka tirsanaa Hogaanka socdaalka iyo jinsiyadaha, sidoo kale Cabdifarah Barre Guure Guddoomiye ku-xigeenkii amniga iyo siyaasadda ee degmada Wadajir oo lagu dilay gudaha degmadaasi, sidoo kale Cumar Ubax shaqsi lagu magacaabi jiray oo ka tirsanaa Wasaradda gadiidka gaar ahan qaybta bixisa taargooyinka gadiidka iyo darawalkiisa Cabdi Barwaaqo lagu magacaabi jiray ,intasi oo muwaadin ayaa garigaan iyo mootadaan aad u jedaan lagu dilay, ee ninkaan la yiraahdo Liiban Cabdullahi Maxamed oo markii uu howl galayo ay kooxda UGUS isticmaali jiray magacyada Cabdulqaadir, Maxamed Cabdullahi, een iyo ninka labaad oo lagu magacaabo Aadan Cabdullahi Maxamed wax ay wateen garigaa ad u jeedan ee Isbaashiyada ah oo taargadiis tahay E I 16 04”ayuu yir afhayeenka Wasaradda amniga.
Inkastoo kooxaha Nabadiidka Al-Sahabab ay isku dayayaan in ay dhibaateeyaan bulshada ayaa hadana waxaa bar bar socda howlgallo hay’adaha amniga ay kaga hortagayaan dhibaatooyinkaasi, iyadoo horey loogu guuleystey in la fashiliyo dhagaro badan oo ay soo maleegeen maleeshiyaadka Kooxda UGUS.
