Hay’adda Maareynta Musiibooyinka ayaa kulan afurin iyo soo dhoweyn isugu jira u sameysay Midowga Golayaasha Culimada Soomaaliyeed oo uu hoggaaminayo Gudoomiyaha Midowga Golayaasha Culimada, Sheekh Aaden Abuukar Cusmaan (Sheekh Suufi Yare).
Guddoomiyaha Hay’adda SoDMA, Maxamuud Macallin ayaa bogaadiyay midnimada, iskaashiga iyo isku-duwidda dalladaha, isagoo culimada uga mahadceliyay dalaalladooda wacyi-galinta bulshada iyo ka ka qeyb-qaadashada dadaallada bani’aadannimo.
Culimada ayaa dhankooda si weyn u boorriyay howlaha gargaarka ee Hay’adda Maareynta Musiibooyinka dalka ka waddo, iyagoo ballan-qaaday in ay sii wadi doonaan taageerada iyo ka qeyb-galka howl-gallada gurmadka ee lagu garab istaagayo dadka abaaraha iyo calaaduhu saameeyeen.
