Hay’adda Maareynta Musiibooyinka Qaranka Soomaaliyed ee SoDMA, ayaa maanta shixnado gargaar oo ka kooban qeybaha kala duwan ee raashinka iyo deeq daawo ah waxa ay ku wareejisay agaasimaha isbitaalka magaalada Jowhar ee xarunta maamulka Hirshabeelle .
Deeqdaan raashinka iyo dawada ka kooban ayaa hayโadda waxa ay ku garab istaagaysaa isbitaalka Jowhar, waxaana gurmadkaan ugu talagashay in la gaarsiiyo bukaannada lagu dabiibayo isbitaalkaas.
Munaasabad kooban oo ka dhacday Baqaarka SoDMA, ayaa deeqdaan lagula wareejiyay agaasimaha Isbitaalka Jowhar, waxaana goobjoog ka ahaa xafladaan Agaasimaha Waaxda gargaarka SoDMA Sahra Cali Yuusuf iyo Agasimaha Waaxda Cafimaadka SoDMA Dr Cabdullaahi Muuse Axmed.
Agaasimaha guud ee Isbitaalka Jowhar Ramla Cabdiraxmaan ayaa uga mahadcelisay SoDMA deeqdan raashinka iyo Daawada ee lagu wareejiyay, iyadoo tilmaamtay in deeqdan ay ku soo beegantay xilli ay baahi weyn u qabeen.
