Hay’adda Somali Relief Network Of North America ayaa deeq xoola nool u qeybisay qoysas danyar ah oo ku nool deegaanno ka tirsan Gobalka Shabeelaha Hoose, gaar ahaan Degmada Afgooye oo ka mid ah goobihii uu dhawaan saameeyay fatahaadda webiga Shabeelle.
Dadkan oo u badnaa qoysas aad u liitada xaaldooda nololeed ayaa la gaarsiiyay xoolo gaaraya 17 Neef oo isugu jira lo’ iyo geel sidoo kale waxaa jiray in tirada ariga ay ahaayeen 167 Neef.
Deeqdan xoolaha ayaa waxaa ka faa’iideystay 1,500 qoys kuwaa oo lagu qiyaasay in ka badan 7,500 oo qof oo danyar ah oo la isu keenay goobta deeqda laga bixinayay.
Ibraahim Cusmaan Cabdullaahi oo ka mid ah Masuuliyiiinta Hay’adda oo madasha kula hadlay Warbaahinta ayaa yiri “Waxaan dadaal badan gelinay sidii aan u caawin leheen dadka tabaaleysan ee ku nool gobalkaan, waxaan sii laba jibaari doonnaa kaalamada dadka jilicsan aan siineyno, maadaama ay heystaan daruufo xagga nolosha ah”.
