Hay’adda Somali Relief Network of North America ayaa deeq hilib ah oo afurin ah u qeybisay ku dhawaad afar boqol oo qoys oo ku nool degmada Afgooye ee gobolka Shabeelaha Hoose.
Hay’adda ayaa raashin afurin ah u qeybisay qoysaskan iyo hilib, kaasi oo ay ka faa’iideysteen 1,500 (kun iyo shan boqol oo Qof) oo ku nool degmada Afgooye iyo deegaannada kale ee ku teedsan degmada.
Wakiilka hay’adda Ibraahin Cismaan Cabdalla ayaa sheegay in deeqdan ay tahay mid ka timid Madaxa Hay’adda Somali Relief network of North America Aadam Maxamed Ciise oo shacabka degmada Afgooye ugu talalgaly in la gaarsiiyo deeqdan hilibka iyo raashinka afurinta ah isugu jirta, waxaana uu intaa ku daray inay ka go’antahay sidii ay wax ugu qaban lahaayeen bulshada kuwooda tabaaleysan.
Qaar ka mid ah dadkii loo qeybiyay hilibka ayaa waxa ka mahadceliyeen deeqda hilibka ah ee la guddoonsiiyay, iyagoo xusay inay ku soo beegantahay xilli loo baahnaa.
