Hay’adda Wadaniga ah ee Tadamun ayaa maantay ka daahfurtay magaalada Garoowe qaybinta raashin Zakaatul Fidri ah oo ay ku deeqday Xarunta Boqor Salmaan ee Gargaarka iyo Howlaha Bani’aadantinimada ee Boqortooyada Sacuudiga.
9850 oo qoys oo isugu jira barakacayaal, qoysas danyar ah, agoon iyo maxaabiis oo ku dhaqan deegaannada Puntland ayay maantay hay’addu gaarsiisay raashinkan sida uu tilmaamayo Guddoomiyaha Hay’adda Tadamun Cabdirixmaan Cabdirisaaq Cabdirixmaan.
Ismaacil Xaaji Cabdi oo ka socday Wasaaradda Cadaalada iyo Arimaha Diinta Puntland iyo Agaaasimaha Waaxda Barakacayaasha Dowlada Hoose ee Dagmada Garoowe ayaa ka mahad celiyay Keenista iyo Qaybinta Deeqdaaani.
Hay’adda Tadaamun oo kaashanaysa Hay’adaha Samafalka iyo Bulshada Soomaaliyeed ba, waxay dadaal badan ku bixinaysaa garab istaagga dadka danyarta ah ee Soomaaliyeed gaar ahaan dhanka deeqaha raashinka inta lagu guda jiro bisha barakaysan ee Ramadaanka.
