Kulan ay magaalada Muqdisho ku yeesheen madaxda sare ee Hay’adda Tayo Dhowrka Soomaaliyeed ayaa waxa ay uga hadleen howlaha hortebinta u leh Hay\adda ee ah ka hortagga badeecadaha dhacay iyo hubinta tayada badeecadaha dalka soo galaya, waxaana kulanka kadib ay beeniyeen warar been abuur ah oo sheegaya in raashinkii dhacay ee ay gacanta ku dhigtay Hay’adda lagu iibgeeynayo Suuqyada Muqdisho isla markaana ay gacanta ku hayaan 7di Kunteenar oo ay 7dii bisha March ay ku qabteen Dekada Muqdisho
Maxamuud Cilmi Fiidshe Agaasimaha Ilaalinta Tayada Badeecadaha Suuuqyada ee Hay’adda Tayo Dhowrka Soomaaliyeed ayaa xusay in warka been abuurka ah ee baraha lagu faafiyay uu yahay mid waxba kama jiraan ah, isla markaana ay weli gacanta ku hayaan oo aan jirin raashin suuq la geeyay.
Sidoo kale Agaasime Maxamuud Cilmi Fiidshe ayaa tilmaamay in 7-da kunteenar ay ku wareejiyeen Taliska Booliiska ee Dekadda Xamar, si sharciga loola tiigsado ganacsatadii dalka soo gelisay raashinka dhacay.
Booliska ayaa looga fadhiyaa inay xafiiska xeer ilaalinta ku wareejiyaan kiiska la xiriira ganacsatada dalkeena soo gelisay raashinka dhacay si sharciga loola tiigsado, kaasi oo haddii magaalada geli lahaa ay caafimaad daro ku keeni lahayd bulshada Soomaaliyeed.
