Hay’adda khayriga ah ee Zamzam Foundation ayaa maanta gaarsiiyey deeq raashin ah oo loogu talagaley in lagu caawiyo kun qoys oo kamid ah dadka danyarta ah iyo kuwa abaartu ay saameysay ee ku nool Magaalada Dhuusamareeb iyo deeganada hoostaga, waxaana raashinkan ku deeqday hey’adda IHH ee wadanka Turkiga.
Deeqdan raashinka ah oo ka kooban Bur, Bariis, Sokor, Saliid, timir iyo caano ayaa qoys walba waxaa la siiyey oo nuucyo kala duwan oo raashina ah, Cumar Cabdirisaq Yusuf kuxigeenka madaxa hay’adda Zamzam Foundation ayaa uga mahadceliyay hay’adda IHH gurmadka ay u soo dhiibeen dadaka ay abaartu saameesay.
Gudoomiye kuxigeenka Amniga iyo Siyaasadda Dhuusamareeb Cabdisamad Salaad Aadan, oo qaybinta raashinkan goobjoog ka ahaa ayaa ku amaaney dhinacyada ka shaqeeyay sidii kaalmadani ugu dhici laheyd gacantii loogu talagaley ee aheyd dadka danyarta ah.
