Wararka ka imaanaya gobolka Hiiraan ee bartamaha dalka ayaa sheegaya in meel ku dhow deegaanka Halgan ee gobolka Hiiraan uu dagaal culusi ku dhexmaray kooxda xaq u dirirka ah ee macawisleey iyo maleeshiyaad ka tirsan arxanlaawayaasha Al-shabaab.ย
Iska hor-imaadkaan ayaa la sheegay in qasaare xoogan lagu gaarsiiyay maleeshiyaadkii Al-shabaab ee dagaalka ka qeyb galay.
Mid kamid ah dadka is abaabulay ee la dagaalamay Al-Shabaab ayaa sheegay in ay ku dileen dagaalkaan Horjooge ajinebi ah oo ka soo jeeda dalka Kenya.
Horjoogaha ka tirsanaa Al-Shabaab ee lagu diley iska hor-imaadkan ayaa la sheegay inuu caan ka ahaa deegaano badan oo ka tirsan gobolka Hiiraan waxaana magaciisa lagu sheeay Maxamed.
Shacabka soomaaliyeed ee ku nool gobolka Hiiraan oo u adkeysan waayay gumaadka iyo gardarada kooxda Al-shabaab ayaa marar badan sidaan oo kale dagaalo ay la galeen uga dilay Horjoogayaal caan ahaa iyo maleeshiyaad kale oo badan.
