Ciidammada Xoogga dalka Soomaaliyeed ee ku sugan degmada Buurhakaba ee Gobolka Baay, ayaa soo bandhigay Horjooge sare oo ka tirsanaa Kooxda Nabad diidka Al-Shabaab, kaasi oo isku soo dhiibay Maamulka Taliska Ciidanka Difaaca ee Degmadaasi ka howlgala.
Horjoogahan oo lagu magacaabo Ibraahim Xasan Cali, ayaa Nabad diidka Al-Shabaab wuxuu kamid ahaa muddo dheer, isagoo sheegay in Kooxda dhexdeeda uu ka jiro Khilaaf aad u xooggan, isla markaana ay bilaabeen in dhexdooda ay isdilaan, kadib markii ay kala shakiyeen, waxaana uu xusay in isaga uu la kulmay dhibaatooyin kala duwan, taasi oo ku xambaartay in uu isaga soo tego maleeshiyada Al-Shabaab
Isa soo dhiibista Horjoogahaan maleeshiyada Al-Shabaab naftiisa kala soo baxsaday, ayaa kusoo aadeysa xilli dhowaan Degmada Buur-hakabo ee Gobolka Baay ay iska soo dhiibeen Horjoogayaal iyo Maleeshiyaad hubeysan, taasi oo muujineysa sida ay isa soo tarayaan maleeshiyaadka ka soo goosanaya dhagarqabayaasha Al-Shabaab.
