Horjooge ka tirsanaa maleeshiyada argagaxisada Al-shabaab ayaa isku soo dhiibay Ciidamada Xoogga dalka iyo kuwa Nabad sugida dowlad goboleedka Jubbaland ee ku sugan duleedka deegaanka Baar-sanguuni ee Gobolka Jubbada Hoose.
Saraakiil ka tirsan Ciidanka ayaa sheegay in horjoogahaan lagu magacaabo Rayaan Sheekh Nuur,balse magaciisa afgarashada uu yahay (Abuu xamsa) si uu ugu dhibaateeyo Shacabka Soomaaliyeed.
Horjoogahaan ayaa maleeshiyada u qaabilsanaa dhanka Gaadiidka gobolka Jubbada Hoose,isagoo dhibaato xooggan ku haayay dadka Shacabka ah.
Horjoogeyaasha iyo maleeshiyaadka ka tirsan nabad diidka Al-shabaab ayaa waxaa soo wajahday cabsi xooggan ka dib howlgallo is daba joog ah ay Ciidamadu ka bilaabeen gobolada dalka kuwaas oo argagaxisada looga xureynayo deegaanada ay kaga suganyihiin dalka.
