Horjooge katirsan Al-shabaab oo lagu magacaabo Cabdullaahi Gaab ayaa lagu dilay deegaanka Ceel Dhuun Adeegow oo 45-km dhinaca waqooyi kaga beegan magaalada Baydhabo ee xarunta gobolka Baay.
Horjoogahaan ayaa lagu dilay howlgal ay sameeyeen ciidanka dowladda Soomaaliya, sida uu Warbaahinta Qaranka u sheegay sargaal katirsan ciidamada dowladda.
Cabdullaahi Gaab waxa uu kamid ahaa horjoogayaasha Al-Shabaab ee dhibaatada ku hayey dadka shacabka ah ee kunool deegaanada gobolka Baay, waxaana ciidanka dowladu ay toogteen xili uu ku sugnaa deegaanka Ceel Dhuun Adeegow oo kamid ah deegaanada gobolka Baay.
