Horjooge Maxamed Xasan Macalin oo maleeshiyada Al-Shabaab u qaabilsanaa Maxkamadda Degmada Kurtun-waareey, isla markaana magaciisa Afgarashada yahay (Abu-Cali) ayaa xalay isu soo dhiibay ciidanka Xoogga dalka ee ku sugan Degmada Qoryooleey ee Gobolka Shabeelaha Hoose.
Horjooge Maxamed Xasan Macalin (Abu-cali) oo kooxaha argagixisada Al-Shabaab u qaabilsanaa baad aruurinta maxkamad benaadka degmadaasi oo uu dadku ka qaadi jiray lacago baad ah.
Dhagar’qabe Maxamed Xasan ayaa shacabka Kurtun-waareey ku baadi jiray magaca diintenna suuban oo argagixisada ay ka been sheegteen.
Isa soo dhiibitaanka horjoogahan ayaa waxaa gacan weyn ka geystay saraakiisha difaaca degmadda Qoryooleey, kuwaasi oo u xaqiijiyay Warbaahinta Qaranka.
Waxaa isa soo taraya horjoogayaasha iyo maleeshiyaadka Al-Shabaab ee ka soo goosanaya argagixisada, kuwaasi oo ka faaโiideysanaya cafiska ay dowladda u fidisay.
