Guddoomiyaha Degmada Baxdo Maxamed Cabdullaahi Muuse ayaa sheegay in howlgallo qorsheysan oo laga fuliyay ilaa iyo saddex aag lagu jebiyay Khawaarijta.
Guddoomiyaha oo u waramay Radio Muqdisho ayaa tilmaamay in howlgalka lagu dilay ku dhawaad 10 ka tirsan Khawaarijta, iyadoo deegaannada howlgalka laga fuliyay ay iminka gacanta ku hayaan ciidanka deegaanka oo gacan ka helaya cidamada xoogga dalka.
“Howlgalka waxaa laga fuliyay saddex aag oo ay ku jirto Camaara, halkaasi oo lagu qaarajiyay 7 horjooge oo ay ka mid ahaayeen kii Argagixisada u qaabilsanaa gobalka Mudug, kii Maxkamad isku sheega, madaxii dhanka lacagaha baadda u qaabilsanaa iyo kuwa kale oo khawaarijta ka tirssn”.ayuu yiri Guddoomiyaha.
Guddoomiye Maxamed Cabdullaahi Muuse ayaa xusay in guushaan ay wax weyn u tahay shacabka, maadaama laga dulqaaday kooxihii dhibaatada ku hayay, isagoo intaa ku daray in ciidamadu ay sii wadayaan howlgallada lagu baacsanayo khawaarijta.
.
