Kulankaan oo looga hadlayay sidii loo horumarin karo dhaqaalaha maqaalada Muqdisho, isla markaan ay ka qeyb galeen mas’uliyiin ka tirsan maamulka gobalka Banaadir, xubno ka socday ganacasada iyo qeybaha bulshada ayaa lagu qabtay Muqdisho.
C/qaadir Muxiyadiin Dalxa wakiilka dowladda Hoose ee Xamar u qaabilsan horumarinta dhaqaalaha ayaa sheegay in kulankan ay ugu talagaleen in warbixintaas ay la tashi kala sameeyaan ganacasada iyo qeybaha bulshada.
“Kulanka waxaan ugu talgalay in aan ku soo bandhigno warbixin ama xog`uruurin laga sameyay maqaalada Muqdisho kuna saabsan xaaladaha dhaqaalaha ee Caasimada, taaso qeyba ka ah shaqooyinkii dowlada hoose ay waday ee ku sabsnaa hormarinta dhaqaalaha gudaha maqalada Muqdish” ayuu yiri Dalxa.
Ku-simaha guddoomiyaha gobalka Banaadir ahna guddoomiye ku-xigeenka dhinca maamulka iyo maaliyada mudane Ismaaciil Maclin Cabdi Guure oo isna kulankaas ka hadley ayaa sheegay in maamulka gobalka banaadir uu wada qorsha lagu nidaaminyo ganacsiga maqaalada Muqdisho.
“Waa wax aan u socono in aan xalino dowlad wanaagana aan dadkani baro arintaasi been in aan isku sheego maha, dowladda dadka ay u adeegtaa, qof Ummadda dhibaayo uu dowlada magaceeda ku dhibaayo waan ka qabaneynaa, dowladda waxa ay u taagan tahay in ganacsiga uu kobco, ruux kasto uu ganacsi sameeynayo in uu kobco inta aad sheegteen ubaa warbxinta lagu soo bandhigay” ayuu yiri Ku-simaha guddoomiyaha Gobolka Banaadir.
