Ciidamada Xoogga Dalka iyo Kuwa AMISOM ayaa hawlgallo ka dhan ah Maleeshiyada Al-Shabaab ka wada deegaanno ka tirsan Gobalka Hiiran.
Howlgalka ayaa laga sameeyay deegaanno hoostaga degmada Beledweyne ee xarunta Gobolka Hiiraan, kuwaasi oo la sheegay inay ku dhuumaaleysanayaan haraadiga maleeshiyada Al-Shabaab oo isaga soo cararay duqeymaha xagga cirka ah ee ku soocto.
Sargaal u hadlay Guutada tobnaad ee ciidanka Xoogga Dalka ayaa yiri “Anagoo kaashaneyna ciidamada Walaalaha ah ee AMISOM, gaar ahaan kuwa Jabuuti waxaan howlgallo wada jir ah ka fulinay deegaannada kala ah Ceeyrow, Indhacaad, Afar-Irdood iyo kuwa kale oo dhamaan hoostaga Degmada Beladweyne, waxaana ka baarayney inay halkan fariisimo ku leeyihiin maleeshiyaadka Al-Shabaab balse ma jirin wax fariisin ah oo ay Shabaabku halkan ku leeyihiin”.
Calasow oo ka mid ah saraakiisha AMISOM ee Jabuuti ayaa sheegay in deegaannada qaar aysan ku sugneyn maleeshiyaadka Al-Shabaab balse mararka qaar ay si dhuumaleysi ah ku marayaan deegaannada qaar, kuwaasi oo inta ay socdaalka ku jiraan adeegsanaya warar been abuur ah oo ay bulshada ku cabsi gelinayaan.
