Ciidamada Dawlada Federaalka Soomaaliya ayaa Saakay Hawgal ka Sameeyay inta u dhaxaysa Magaalooyinka Buula Burde iyo jalalaqsi ee Gobolka Hiiraan.
Howlgalladaan ayaa imaaday kaddib markii kooxo ka tirsan Maleeshiyaadka Alshabaab ay soo gaareen waddooyinka u dhexeeya magaalooyinka Buula Burde iyo Jalalaqsi si ay u Go’doomiyaan dadka shacabka ah.
Saraakiil ka tirsan ciidamada qalabka sida ee Dowladda Federaalka Soomaaliya aya sheegay in howlgalladaas lagu Soo qab qabtay sideed ruux oo hadda baritaanno ku saabsan waxa ay ahaayeen uu ku socdo.
Maleeshiyaadka Argagixisada ah ee Alshabaab ayaa dhawaan laga saaray deegaanka Halgan ee bartamaha Gobolka Hiiraan halkaas oo ay muddo kooxahaasi Shabaabka ah Dadka ku Dhibaatayn jireen.
