Howlgal lagu adkeynayay amniga magaalada Muqdisho ayaa xalay waxaa ay ciidanka Nabadgelyada ka sameeyeen xaafado ka tirsan degmooyinka gobolka Banaadir, iyadoo howlgalkaasi lagu soo qabtay hub iyo dadkii watay.
Howlgalkan ayaa ciidamadu waxa ay ka sameeyeen xaafado ka tirsan degmooyinka, Dharkeynley iyo Hodan, halkaasi oo lagu soo qabtay tiro dad ah oo watay hub iyo dadkii lahaa, waxaana ciidamada ay wadaan baaritaanno lagu kala saarayo dadka ka tirsan maleshiyada Al-Shabaab iyo kuwa aan ka mid ahayn.
Sargaal u hadlay ciidanka ayaa sheegay in howlgallada ay yihiin kuwa la joogteyn doono si loo xaqiijiyo nabadgelyada caasimadda, isla markaana laga hortago dhagarta ay maleegayaan Al-Shabaab.
