Howlgalkan oo ay si wada jir ah u fulinayeen ciidanka Sirdoonka iyo Nabad Sugidda, Ciidanka Booliska iyo kuwa AMISOM ayaa ka dhacay warshaddii hore ee Baastada Xafadda Dabaqeynka, Suuqa Xoolaha ee Degmada Yaaqshiid
Ciidmada wda jirka ah ayaa isku gedaamay jidadka iyo xaafadaha, iyagoo mid mid u baarayay guryaha si looga soo saaro dad la tuhunsanaa in ay ku dhuumaaleysanayaan xaafadahaas.
Baritaankan ayaa ka dambeyay xog ay heleen Sirdoonka Soomaaliya, kaas oo muujinayay macluumaadyo ka digayay kooxo ka tirsan UGUS oo abaabulayay falal ammaanka magaalada Muqdisho lagu qal qalgelinaya.
Afhayeenka Wasaaradda Amniga gudaha Maxamed Yuusuf Maxamuud oo la hadlay Warbaahinta Qaranka ayaa shegay in howlgalkaaasi lagu soo qabqabtay shan ruux oo la tuhunsayahay in ay ka tirsanyihiin kooxda UGUS, isla markaana xoriyaddooda dib loogu celiyay dad kale oo howlgalka intii lagu guda jiray lasoo qabqabtay.
“Cidamada amniga ka shaqeeya ee wada jir ah ayaa howlgallo qorsheysan oo target ah oo sirdoonku ay keeneen, ciidanka NISA sirdoonkooda ay keeneen xogtooda, ayaa lagu howlgalay xalay xilli dambe, waxaana lagu soo qabtay shan ka mid ah ururka Gumaadka Ummadda Soomaaliyeed ee UGUS, dhagar qabayaashooda shan ka mid ah ayaa lagu soo qabtay, oo ay ciidanku bartilmaameed u ahaa” ayuu yiri Afhayeenka Wasaaradda Amniga.
Howlgalkaasi ayaa qeyb ka ahaa howlgallo balaaran oo ciidamada ammaanku ka wadaan magaalada Muqdisho, iyadoo muddooyinkii la soo dhaafay aad loo adkeeyay ammaanka magaalada Muqdisho, waxaana dib xoriyaddooda u helay qaar ka mid ah kuwa howlgalka lagu soo qabtay kaddib markii lagu waayay kiisaskii loo heystay.
Sawir Qaade:- Ismaaciil Muqtaar Cumar (Orange)
