Howlgal qorsheysan oo ay si wada jira u fuliyeen ururka 5-aad Guutada 16-aad Kumaandooska Danab ee Xoogga Dalka iyo ciidanka Nabad sugidda Jubbaland ayaa lagu dilay 4 ka tirsan maleeyshiyada Al-Shabaab oo uu ku jiray horjoogihii watay maleeshiyadka ciidanku ay dileen.
Ciidanka ayaa sido kale howlgalka ku dhaawacay 7 kale oo ka tirsanaa argagixisada Al-Shabaab, kaasi oo ka dhacay deegaanno ka mid ah Gobolka Jubbada Hoose.
Ururka 5-aad Guutada 16-aad Kumaandooska Danab ee Xoogga Dalka iyo ciidanka Nabad sugidda Jubbaland ayaa howlgalka ku burburiyay goobo ay gabaad ka dhiganayeen kooxda nabadiidka Al-Shabaab, waxaana ka mid ah degaannada kala ah Muduloow, Qutu’to, Waareey, Buulohareeri iyo Dhanlojo.
Saraakiisha ciidanka Kumaandooska Danab ee howlgalka hogaaminayay aya tilmaamay inay ka kago’antahay ciribtirka kooxaha Nabadiidka ah ee Al-Shabaab.
