Ku-simaha Taliyaha qeybta guud ee booliska gobolka Shabeelaha Dhexe ayaa sheeegay in tiro dad ah loo soo qab qabtay dad lagu tuhmayo inay ku lug lahaayeen falal dil ah oo ka dhacay magaalada Jowhar.
Ciidamada booliska ayaa howlgallo ay ka sameeyeen xaafadaha degmada Jowhar waxa ay ku soo qab qabteen tiro dad ah oo lala xiriirinayo inay ku luglahaayeen falal dil ah oo ka dhacay degmada.
Taliyaha saldhigga booliska degmada Jowhar Maxamed Siyaad Canjeex ayaa xusay in howlgalka ay sii wadayaan ilaa iyo inta ay gacanta ku soo dhigayaan kuwa lagu tuhmayo inay ka dambeeyeen dilkii Taliyaha qeybta guud ee booliska gobolka Shabeelaha Dhexe, waxaana uu intaa ku daray in kiiskaan loo saaray guddi heer gobol ah oo uu Madaxweyne ku-xigeenka Hirshabeelle.
“Shan ruux ayaa u soo qabanay kiiska dilka nin oday ah oo u shaqeynayay maamulka, kaasi oo lagu dilay gudaha magaalada, baaritaanno ayaa ku socda, waxaana u gudbinay hogaanka baarista ee CID, waxaa kaloo jirta in Madaxweyne ku-xigeenka Hirshabeelle uu guddi u saaray si ay u soo baaraan dadki ka dambeeyay dilka Taliyihii qeybta guud ee booliska gobolka” ayuu yiri Taliyaha saldhigga booliska Jowhar.
Taliyaha saldhigga booliska degmada Jowhar ayaa digniin u diray shaqsiyaad uu sheegay inay boobayaan dhulka hantida guud, isagoo xusay in ciddii lagu hela ay muteysan doonto xukun cadaaladeed.
