Ciidamada laamaha amniga ayaa maanta howlgallo ay ka sameeyeen 17-ka degmo ee gobolka banaadir ku soo qabtay tiro dad ah oo lala xiriirnayo inay ka tirsanyihiin maleeshiyaadka Al-Shabaab.
Ciidamada ayaa waxa ay howlgaladooda si saf ah uga sameeyeen xaafado ka tirsan 17-ka degmo ee Gobolka, iyagoo howlgallada ay u sii dheereed baro koontarool oo ay ciidamadu ka hirgeliyeen duleedyada caasimadda, si loola socda gaadiidka iyo dadweynaha soo galaya Muqdisho iyo kuwa ka baxaya.
Afhayeenka Wasaaradda Amniga Maxamed Yuusuf Cismaan oo la hadlay Warbaahinta Qaranka ayaa sheegay in howlgalkii maanta lagu soo qabtay in ka badan 15 qof oo lagu tuhmayo inay ka tirsanyihiin maleeshiyaadka Al-Shabaab, kuwaasi oo uu xusay in ay ku socoto baaritaanno dheeraad ah.
Afhayeenka ayaa tilmaamay in raga howlgalkii maanta lagu qabtay labo ka mid ah lala xiriirinayo inay ku lug lahaayeen dil saaka Muqdisho loogu geysay wiil dhallinyaro ah.
