Koox caafimaadka qaabilsan oo ka socda Ururka Dhaqaatiirta Soomaaliyeed ayaa howlo caafimaad ah oo ay ugu gurmanayan dadka uu soo ridanayo xanuunka shabunbiyoodka ah ka wada magaalada Xudur ee xarunta Gobolka Bakool.
Dr Cabdullaahi Yuusuf Maxamed oo hogaaminaya howlwadeennada caafimaadka ayaa Radio Muqdisho u sheegay in ay halkaasi gaareen Khamiistii aynu ka soo gudubnay, iyaga oo ka baxay magaalada Muqdisho, isagoo xusay in ujeedka socdaalka ay ku joogaan magaalada Xudur ay tahay sidii ay u dabiibi lahaayeen bukaanada qaba xanuunada kala duwan ee ka dhalatay abaarta.
Dr Cabdullaahi Yuusuf ayaa tilmaamay inay howlo caafimaad u fidiyeen bukaano uu soo ritay xanuunka shuban biyoodka, isagoo intaa ku daray inay sii wadayaan howlaha loogu gurmanayo dadka qaba xanuunada kala duwan ee ka dhalatay abaarta ka jirta gobolka Bakool.
Dhaqaatiirtan caafimaadka qaabilsan ayaa muddo 15 cisho ah ku sugnaan doono magaalada Xudur ee xarunta gobolka Bakool, iyadoo ay jiraan howlwadeeno caafimaad ku sugan qaar ka mid ah gobollada dalka.
