Qaar ka mid ah bulshada Soomaaliyeed ee ku dhaqan Wadanka Kenya ayaa waxa ay hambalyo u direen Madaxda iyo howlwadeenada Wasaaradda Warfaafinta oo ku aadan xuska dib u howlgelinta Warbaahinta Qaranka.
Bulshada Soomaaliyeed ee ku nool magaalada Nairobi ee dalka Kenya ayaa waxa ay tilmaameen in Madaxda iyo Shaqaalaha Warbaahinta Qaranka ay yihiin kuwa u taagan u adeegidda bulshada, waxaana aad ugu faraxsannahay in aan ugu hambalyeeyno howlaha loo idmaday ee ay ugu adeegaan bulshada meelkasta oo ay degantahay.
Qaar ka mid ah dadkii la hadlay Warbaahinta Qaranka ayaa yiri: “Waxaan u hambalyeyneynaa howlwadeenada u istaagay inay ku shaqeeyaan xaalado adag, waxaana kala soconaa, xaaladda uu dalka marayo, marka waxaan Madaxda sare ee dowladda ka codsaneynaa in howlwadeenada Warbaahinta Qaranka lagu dhiirigeliyo howlaha ay hayaan”.
Sidoo kale Jaaliyadaha Soomaaliyeed ee dalka dibadiisa ku nool ayaa isku mid ah hambalyo iyo bogaadin u diray shaqaalaha Warbaahinta Qaranka meelkasta oo ay duninada ka joogaan.
