Ifraax Macalin Axmed oo ah Gabar Soomalaiyed oo u ololeysa arrimaha xaquuqal insaanka isla markaana dhawaan ku guuleysatay biladda haweenka u oleysa xaquuqda haweenka Africa ayaa waxay maanta deeq gaarsiisay haweenka maxaabista ah ee u xiran xabsiga dhaxe ee Xamar, si ay nolashoda ugu maareyaan bisha barakeysan ee Ramadaan oo maalma kooban ka harsan tahay iyadoo booqashada xabsiga dhaxe uu ku wehlinayey xeer ilaaliyaha guud ee Qaranka Mudane Axmed Cali Daahir,
Ifraax ayaa kormeertay qeybaha uu ka kooban yahay xabsiga oo haatan uu ka socdo dib udhis xoogan xili Madaxda Qaranka ay ku baaqeen in laga qeyb qaato sidii dib-udhis iyo dayac tirba loogu sameyn lahaayen guud ahan xabsiga dhaxe ee Xamar.
Muxiyadiin Cali Nuur oo ah ganacsade Soomaliyeed kana mid ah dadkii kasoo jawaabay baaqa Saraakisha xabsiga Dhaxe ayaa xabsiga dhexe gaarsiiyay biyo nadiif ah, oo ay isticmaali karaan maxaabiista.
Ifraax macalin Axmed oo Warfidiyeenada la hadashay ayaa ka codsatay Taliyaha Ciidanka Aluubta iyo Xeer ilaaliyaha Guud ee Qaranka in wax ka qabtaan Maxaabiista ku dhibaateysan Xabsiga Dhaxe,
Taliyaha Ciidanka Asluubta Sareyo Gaas Bashiir Maxamed Jaamac Goobe ayaa u mahad celiyay Ifraax Macalin Axmed iyo Muxiyadiin Cali Nuur oo kasoo jawaabay baaqi ahaa in laga qeyb qaato caawi maada dadka maxaabista ah ee xabsiga dhexe ku xiran.
Xeer ilaaliyaha Guud ee Qaranka Axmed Cali Daahir oo goobta kahadlay ayaa ku bogaadiyay umada Soomaaliyed ee kunool dalka iyo dibada in ay door muuqda ka qaatan sidii Bisha barakeysan ee Ramadaan ee fooda nagu soo heyso loo caawin lahaay dadka Soomaaliyed ee ku dhabaateysan Gudaha dalka.
