Urur goboleed IGAD ayaa soo jeediyey in la da,dajiyo dhismaha maamulka Hiiraan iyo Shabeelaha Dhexe inta aan la gaarin doorashooyinka Soomaaliya ka dhaca sanadkaan 2016.
Ergeyga gaarka ah ee IGAD u qaabilsan Soomaaliya Maxamed Cabdi Afeey oo la hadlay Warbaahinta Qaranka ayaa sheegay in goor dhaw la filayo in dalka ay ka qabsoonto nidaamka doorashada dad ban, waxaana uu intaa raaciyay in ay lagama maarmaantahay in la dhameystiro nidaamka federaalka oo la dadajiyo dhismaha maamulka Hiiraan iyo Shabeelaha Dhexe.
“Waxa ay nala tahay in la soo gaaray, waqtigii la dhameystiri lahaa dhismaha Maamulka Hiiraan iyo Shabeelaha dhexe, waxaan soo jeedineynaa in la da dajiyo dhismaha maamulkaasi, maadaama iyagu kaliya ay ka harsanyihiin dhismaha nidaamka federaalka ah, waxaana uu caawinaya in la helo nabadgelyo iyo isu soo dhawaasho shacabka labada gobol” ayuu yiri Maxamed Cabdi Afeey.
