Aqoon isweydaarsi ku saabsan xaquuqda carruurta ayaa waxaa ka qayb galay qareeno culimaa’udiin, waalidiin iyo mas’uuliyiin kale waxaana soo xiray xoghayaha joogtada ah ee Wasaaradda Cadaaladda Dr Ismaaciil Jimcaale.
Waxaa xiritaanka kulankaan ka hadlay oo sharxay waxyaabihii laga faa’iideystay maalmaha uu socday Qareen Cabdiqani Cabdullaahi iyo Sheekh Cumar Xerow oo ka mid ahaa ka qaybgalayaasha.
“Waxaan aad u amaanayaa aqoon isweydaarsigan, waxaan hubaa in uu ahaa mid aad muhiim u ah run ahaantii saddaxda maalin ee uu socday aadbaan uga faa’iideysanay annaga oo xataa culimaa’udiin ah, diinta naqaan wax badan ayaan ka faa’iideysanay” ayuu yiri sheekh Cumar.
Dr Ismaaciil Jimcaale Calasow Xoghayaha Joogtada ah ee Wasaaradda Cadaaladda Dowladda Soomaaliya oo soo xiray aqoon isweydaarsiga ee ku saabsanaa xuquuqda carruurta, isagoo faah faahin ka bixiyay dadka sida qaldan uga faa’iideeysta Carruurta .
“Waxaan la hadlayaa Dadka carruurta sida qaldan uga faa’iideysta ama askareeya ama in ay is qarxiyaan mas’uulka ka ah, waxaan leeyahay xaquuqda carruurta hala dhowro in askareyn loo adeegsado carruur sharcigu ma ogola, waalidiin ayaan si gaar ah ula hadlayaa walaalayaal kaalintiina ka soo baxa”ayuu yiri xoghayaha.
