Maamulka isbitaalka Demartino ayaa shaaciyay in isbitaalku uu qaban doono Olole qaliin lacag laโaaneed kaas oo loogu talagalay dadka dan yarta ah ee xanuunada qaliinada u baahan qaba.
Related posts
Agaasimaha isbitaalka Dr Cabdirisaaq Yuusuf Jalaaludiin ayaa sheegay in 5ta bisha ay bilaaban doonto diiwaan galinta bukaanada ayada oo 13 ka bishana ay bilaaban doonaan howl galka ololahaan qaliinka caafimaad.
Qaliimadaan ayaa gabi ahaan ah mid lacag la,aaneed waxaana fulin doono dhaqaatiir heer caalami ah kuwaas oo dhawaan imaan doona Soomaaliya.
Waxaa si gooni ah diirada loo saari doonaa qaliimada burooyinka iyo xanuunada ku dhaca uur ku jirta waxaana dadka Soomaaliyeed lagu wargalinayaa inay ka faaโideystaan fursadaan caafimaad gaar ahaan dadka ku dhaqan miyiga iyo meelaha fog fog Magaaladda ee dhiban xanuunada naafeeyay.
Inta uu qaliinku socdo isbitaalku waxa uu bixin doonaa cuntada bukaanada, baaritaanadiisa xitaa hadii uu u baahdo mid isbitaalka ka baxsan.
