Milatariga iyo sirdoonka Israa’iil ayaa sheegay in howlgal xiriir ah laga fulin doono Jenin iyadoo Israa’iil ay wajaheyso dagaal fool-ka-fool ah oo hadda u wareegay Daanta Galbeed ee la haysto.
Ciidamada Israa’iil ayaa laba Falastiiniyiin ah ku dilay Daanta Galbeed ee la haysto, iyadoo qorshahooda uu yahay inay ballaarinayaan weerarrada ay ku hayaan xerada qaxootiga ee Jenin.
Xeradaasi waxaa saacadihii la soo dhaafay ku dhintay ugu yaraan 10 qof,halka uu dhaawac ka soo gaaray tobanaan kale tan iyo Talaadadii.
Xilli gawaarida sidda gargaarka ay ku sii qulqulayaan Gaza, hay’adda Qaramada Midoobay u qaabilsan qaxootiga Falastiiniyiinta (UNRWA) ayaa ka digaysa in Falastiiniyiinta ku soo laabanaya guryahoodii ay la kulmi doonaan ama ay arki doonaan badidood guryo burbursan oo aan la degi karin.
Dagaalka Israa’iil ee Qaza waxa ku dhintay ugu yaraan 47,283 falastiiniyiin ah halka dhaawacana lagu sheegay 111,472 tan iyo bishiiOctober, 2023
