Shir Madaxeedka dalalka Jaamacadda Carabta meertadiisa 33-aad oo lagu soo gaba gabeeyay dalka Baxreyn ayaa mar kale lagu xaqiijiyay bayaan laga soo saaray in ay si hagar la’aan ah u taageersan yihiin madax-bannaanida,wadajirka dhuleed ee Jamhuuriyadda Federaalka Soomaaliya,si loo ilaaliyo madax-bannaanideeda iyo midnimada loogana hortaggo tallaabo kasta oo wax u dhimi karta.
Sidoo kale wadamada Jaamacadda Carabta waxay muujiyeen sida ay u taageersan yihiin dadaallada dowladda Soomaaliya ay ugu jirto la dagaallanka Khawaarijta,sugidda amniga dalka,xasilloonida iyo horumarinta geeddi-socodka horumar waara iyo barwaaqo si ay u gaaran shacabka Soomaaliyeed.
Ra’iisul Wasaaraha xukuumadda federaalka ah ee Soomaaliya Mudane Xamse Cabdi Barre oo ka qaybgalay shirkaan ayaa madaxda kale la wadaagay dadaalada iyo horumarka weyn ee dowladda ay ka gaartay dagaalka Argagixisada,sugida amniga,hormatinta dhaqaalaha iyo dowladd wanaaga.
