Siminaar talo bixin ah oo ay iska kaashadeen Jaamacadda Jamhuuriya ee culuumta iyo tiknoolojiyadda ee marka magacooda la soo gaabiyo loo yaqaan (JUST) iyo Jamciyadda ASAL Student Association Link (ASAL) ayaa lagu qabtay xarunta Jaamacadda, kaasi oo ay u jeedkiisu ahaa in ardayda ay doortaan taqasusyada ku haboon ee ku aadan marka ay Jaamacadaha galayaan.
Siminaarka oo ahaa mid hal maalin ah ayaa waxaa casharada ka bixinayay qaar ka mid ah maamulka iyo macallimiinta Jaamcadda Jamhuuriya iyo mas’uuliyiinta Jamciyadda ASAL.
Macalimiinta siminaarka ka hadlay waxa ay ardayda kula dar daarmeen inay u istaagaan sidii ay uga faa’iideysan lahaayeen casharada laga bixiyay ee ku qotomay sida ay ardayda ka soo qalin badalaneysa dugsiyada sare ee Gobolka Banaadir u dooran lahaayeen kuliyadaha ay ku fiicanyihiin ee laga dhigo Jaamacadaha dalka ku yaalla.
Madaxa Arrimaha bulshada ee Jimciyadda ASAl Axmed Abshir Geeddi oo iska gabo gabada siminaarka ka hadlay ayaa xusay in jimciyaddu ay u taagantahay isku xirka ardayda Soomaaliyeed ee ka waxbaranaysa dugsiyada sare iyo Jaamacadaha dalka, ayna sii joogten doonaan siminaarada ay u qabanayaan ardayda ka soo baxda Dugsiyada sar ee dalka.
