Wasiirka Wasaaradda dhallinyarada iyo ciyaaraha Xukuumadda Federaalka Soomaaliya mudane Maxamed Barre Maxamuud oo ku sugan magaalada Kampala ee dalka Uganda ayaa waxa uu ka qeyb galay dood cilmiyeed ciwaankeedu uu yahay lafa gurka siyaasadda Qaran ee dhallinyarada Soomaaliyeed.
Wasiir Maxamed Bare ayaa sharaxaad dheer ka bixiyey siyaasadda Qaran ee dhallinyarada Soomaaliyeed iyo geedi socodka ajandayaasha Wasaaradda dhallinyarada iyo ciyaaraha Soomaaliya.
Sidoo kale dood cilmiyeedka uu ka qeyb galay Wasiirka, ayaa waxaa su’aalo kala duwan ku weydiiyey dhallinyarada Soomaaliyeed ee wax ka barata magaalada Kampala ee dalka Uganda.
Guddoomiyaha Madasha Kasmaal Shaafici Cali Nugaal ayaa uga mahadceliyey Wasiir Maxamed Barre waqtiga uu la qaatay ardayda Soomaaliyeed ee wax ka barata magaalada Kampala ee dalka Uganda.
