Ergeyga gaarka ah Xoghayaha guud ee xoghayaha guud ee Qaramada Midoobay u qaabilsan Soomaaliya Danjire Nicholas Kay ayaa cambaareeyay weerarkii kooxaha argagixisada ah ay ku qaadeen Hoteello ku yaalla Muqdisho, kaasi oo uu ku sheegay inay sheegteen mas’uuliyadda Weerarka kooxda Al-Shabaab, ciidamaduna ku guuleysteen inay qaarajiyaan dhamaan kooxihii weerarka soo qaaday.
“Waxaan cambaareynaya weerarkii argagixiso ee Muqdisho ka dhacay xalay, waxaana ka xumahay weerarkaasi arxan darrada ah ee lagu gumaadayo dadka rayidka ah, weerarku waxa uu dhacay xilli lagu jiray salaadda Maqrib ee Afurka oo ay dadku afurayeen” ayuu yiri Mr Kay
Danjire Kay ayaa hadalkiisa intaa ku daray “Waxaan ammaan u jeedinayaa ciidamada amniga ee dowladda Soomaaliya iyo kuwa AMISOM oo ku guuleystay inay ka hortagaan oo ay yareeyaan inay qasaare badan ka dhalato weeraradaasi argagixiso ee la doonayay in dad rayid ah lagu gumaado, Qaramada Midoobay waxa ay wadaysaa sidii ay si fir fircoon ah ugala shaqeyn lahayd, dowladda Soomaaliya si loo dhiso ciidamo xoogan oo xagga amniga ee Qaranku leeyahay iyo ilaalinta Hay’adaha dowladda”.
Ergeyga gaarka ah Xoghayaha guud ee xoghayaha guud ee Qaramada Midoobay u qaabilsan Soomaaliya Danjire Nicholas Kay ayaa uga tacsiyadeeyay ehelada iyo asaabtii dadkii wax ku noqday weeraradii xalay ka dhacay Muqdisho, waxaana uu kuwa dhaawaca u rajeeyay in uu Alle caafimaad deg deg ah siiyo.
