Madaxweyne ku-xigeenka Kenya William Ruto ayaa dalbaday in qaxootiga Soomaalida ah ee ku nool xeryaha qaxootiga Waqooyi bari ee Kenya dib loogu soo celiyo dalkooda muddo saddex bil gudeheed ah.
William Ruto ayaa sheegay in go’aanka ay ku wargaliyeen hay’adda Qarammada Midoobay u qaabilsan Qaxootiga UNHCR , haddii ay ku guul darreystaana ay dowladda Kenya sameyn doonto dib u celinta qaxootiga, isla markaana ay xiri doonto xeryaha.
Ku dhawaad nus milyan qaxooti Soomaali ah ayaa ku nool xeryaha qaxootiga Kenya.
Arrintan ayaa timid kadib weerarkii labadii bishan lagu qaaday Jaamacadda Garisa oo ay ku dhinteen 148 qof, kaasoo ay sheegatay kooxda Al-Shabaab.
