Kooxaha ayaanka daran ee Al-Shabaab ayaa iyadoo laga soo baxayo Salaaddii Jimcaha ee maanta Masjidka hortiisa ku toogtay Wiil dhalinyaro ah oo ka mid ahaa Jamaacadii salaadda ka soo baxday.
Waxuu ahaa Qof Sooman Salaaddii Alle ee Jimcaha soo oogay, faraxsan, waxaase banaanka Masjidka ku sii sugaya Dhagar-qabayaal kuwaas oo dhoor xabadood kaga dhuftay Qeybta sare ee jirkiisa.
Alle ha u naxariistee Cabdalla Maxamed Maaxi ayaa ka mid ahaa dhallinyarada ku nool degmada Afgooye, balse Muqdisho ugu soo wareegay si heerarka koowaad iyo labaad ee waxbarasho uu uga sii dhameysto.
Marxuumka ayaa ahaa Arday gaba-gabadii heerka labaaad ee Jaamacadda waday, waxuuna lahaa hami sare, isagoo jeclaa in Dalkiisa uusan meelna uga tagin waxbadana u qabto..
Qof ay Slaadda iskula tukadeen masjidka ayaa ii sheegay in markii Salaadda laga baxay uu sii dhageystay khudbadda ka dambeysa Salaadda ee Tacliiqa khadiibka, Marka ay dhamaatayna ay isu diyaariyeen in baxaaan balse kooxdan ayaanka daran ayaa banaanka u sii fadhiyay oo Masjidka banaankiisa ku toogtay.
Wiilkan dhallinyarada ahaa ee xaq darrada maalin Ramadaan Jimce ah lagu dilay Masjidka hortiisa ayaa la sheegay in uu mar sii horreysay ka mid ahaa Ergadiii soo dooratay Xildhibaannada Barlamaanka dowlad gobolleedka Koonfur Galbeed.
Malleeshiyada Al-Shabaab sidaan oo kale ayey toddobaadkii hore Masjid dhexdiisa isagoo ku rogmay Kitaabka Alle ku dileen Allaha u naxariistee Nabaddoon Ibraahim Cariif, dambiyada aan kala yareyn ee ay bishada Ramadaan iyo maalmaha kale ee Ilaahey galaan kuwaย gafka ka galay Diintaย Islaamka iyo Ummadda Soomaaliyeed sii kordhiyeen ficilladooda Diin laโaanta ah.
