Kooxda Heegan ee dalkeena Soomaaliya ayaa maanta kulankeedii ugu horeeyay la cayaartay kooxda Lydia Ludic ee dalka Burundi, kaasi oo ka tirsanaa tartanka CECAFA Kigame Clup Cup oo loo qabtay sideed koox oo ku soo guuleystay horyaalada dalalka bariga iyo bartamaha.
Qeybta hore ayaa labada dhinac waxa ay isku mari waayeen barbaro gool la’aan 0-0, waxaana labada dhinac soo maray fursado aad qaali u ahaa oo ay goolal ku beddeli kareen.
Kaddib markii laga soo laabtay waqtiga naasiinada ayaa labada dhinac waxa ay muujiyeen kubbad koox walba ay ku raadineysay guul, inkastoo aysan dhicin taas oo waxaa lagu kala baxay bar baro 0-0.
Heegan ayaa waxa ay heshay dhibicdii ugu horeeysay tartanka, iyadoo mas’uuliyiinta kooxda ay rajo wanaagsan ka muujiyeen tartanka.
