Ku-simaha guddoomiyaha gobolka ahna guddoomiye ku-xigeenka dhanka siyaasadda ee Gobolka Banaadir Mudane Maxamed Axmed Diiriye ayaa maanta kulan la qaatay agaasimeyaasha waaxyaha dowladda Hoose ee Xamar, kaasi oo arrimo badan looga hadlay.
Kulanka oo ka dhacay aqalka Dowlada Hoose ee Xamar ayaa diiradda lagu saaray sidii loo dar dargelin lahaa howlaha horyaalla agaasimeyaasha, isagoo ka dhageystay xog ku aadan halka ay u mareyso howlaha loo idmaday.
Ku-simaha guddoomiyaha gobolka banaadir Mudane Maxamed Axmed Diiriye ayaa ku booriyay agaasimeyaasha inay labo jibaaraan howlaha horyaalla, si ay ugu adeegaan bulshadooda.
Sawir qaade:- Jabiiba
