Kulankan oo ka dhacay hooyga uu Guddoomiyaha Baarlamaanka Federaalka Soomaaliya ka degenyahay magaalada Muqdisho ayaa waxaa Danjire Harriet Mattews waxa ay Guddoonka Baarlamaanka soo gaarsiisay walaaca ay dowladda Ingiriisku ka qabto xiisadaha siyaasadeed ee ka jira Soomaaliya oo ka dhashay mooshin Xildhibaanno ka tirsan Baarlamaanka ay ka gudbiyeen Madaxweynaha, waxaana ay dhiiri gelisay in dowladda Britain ay codkeeda u biirineyso in la dedejiyo xal ka gaarista arrintaasi.
Ku-simaha Madaxweynaha ahna Guddoomiyaha Baarlamaanka Federaalka Soomaaliya Mudane Maxamed Sheekh Cusmaan “Jawaari” oo isna dhankiisa kulanka ka hadlay ayaa uga mahad celiyey dowladda Ingiriiska iyo guud ahaanba beesha caalamka u damqashada ay Soomaaliya u damqadeen, waxaana uu dhanka kale xusay in Soomaaliya ay u dhisan yihiin hay’ado dastuuri ah oo awood buuxda u leh iney xalistaan arrimaha dhexdooda ah, waxaana uu rajo ka muujiyey in dhowaan go’aan laga gaari doono arrimaha siyaasadeed ee hada taagan.
