Maamulka Isboortiga Gobolka Banaadir ayaa maanta kulamo lagu horumarinayo, looguna diyaar garoobayo cayaaraha kubadda Kollayga iyo Gacanta la qaatay mas’uuliyiinta xiriiradaas.
Kulanka, wax ka soo qeyb galey Guddiga Isboortiga Gobolka Banaadir, Guddoomiyayaasha Xiriirka Soomaaliyeed ee Kubadda Kolleyga iyo Xiriika Soomaaliyeed ee Kubadda Gacanta, Guddoomiyaha Degmada C/casiis iyo dhamaan Guddoomiyayaasha Isboortiga Degmooyinka Gobolka Banaadir.
Kulankan ayaa lagu falanqeeyay baahiyaha isboorti ee ka jira degmooyinka iyo qorshaha horumarineed ee ciyaaraha Kubadda Kolleyga iyo Kubadda Gacanta, waxaana maanta la sameeyay jadwalka tartanka Kollayga 3×3 oo ah tartan aan nuuciisa horey heer degmo loo qaban, waxaana intaa kadib Xiriirka kubadda Gacanta uu dhankiisa Degmooyinka u qeybiyay kubado ay ugu diyaar garoobayaan tartanka kubadda Gacanta oo heer degmo ah kaa soo la qaban doono bilaha sanadka ka harsan.
Maamulka Isboortiga Gobolka ayaa qorsheynaya bilaha sanadka ka harsan uu qabto howlo ballaaran oo ku saabsan horumarinta isboortiga.
