Wasiiro iyo Xildhibaanno ka tirsan labada Aqal ee Baarlamaanka Soomaaliya ayaa kulan la qaatay ciyaartoyda Soomaaliyeed ee ka timid dalka Sweden,iyagoo ku dhiira geliyay iney ka qeyb qaataan horumarinta Ciyaaraha dalka.
Axmed Cabidi Maxamed Hanti Dhowr oo ka mid ah cayaartoyda Soomaaliyeed ee Sweden ka timid ayaa u mahadceliyay Wasiirada iyo xildhibaanada kulanka soo qaban qaabiyay.
Xildhibaan Cabdi-wahaad Ugaas Xuseen Ugaas Khaliif iyo Wasiir ku-xigeenka Wasaaradda Maaliyadda Xukuumadda Soomaaliya ayaa dhalinyarada ugu hambalyeeyay dadaalka dhinaca ciyaaraha ay wadaan.
Wasiirka amniga Xukuumadda Federaalka Soomaaliya Mudane Maxamed Abuukar Isloow Ducaale ayaa ugu danbeyn dhalinyarada kula dardaarmay xoojinta ciyaaraha,islamarkaana Dowladda gacan ay ka geysaneyso.
Dhalinyarada cayaartoyda ee ka socda dalka Sweden ayaa waxaa socdaalkooda ku wehliya mas’uuliyiin,Macallimiin iyo qaar ka mid ah jaaliyada Soomaaliya ee Sweden
